Kurti: Në parim, LDK-ja ka pranuar të ketë koalicion

Kurti: Në parim, LDK-ja ka pranuar të ketë koalicion

Kryetari i Lëvizjes Vetëvendosje dhe kandidati i kësaj partie për Kryeministër të Kosovës, tha në “Opinion” se Lidhja Demokratike e Kosovës ka pranuar në parim të hyjë në koalicion me ta për krijimin e qeverisë së re.

“Në parim kanë pranuar që të kenë koalicion me ne. Kanë pranuar që të kenë koalicion me ne dhe ne nesër do të kemi një takim ku do të marrim pjesë unë dhe nënkryetari i Lëvizjes Vetëvendosjes, Prof. Besnik Bislimi, ndërkaq nga LDK-ja do të jenë prof. Isa Mustafa dhe kandidatja e LDK-së, Vjosa Osmani.”Kurti tha se LVV-ja dhe LDK-ja nuk kanë asnjë zgjidhje tjetër, përveçse të hyjnë në koalicion së bashku.

“Pra ne nuk kemi zgjidhje tjetër. Jemi të dënuar të bashkëpunojmë. Ishim opozitë të dyja, ndryshimi nënkupton që opozita bëhet qeveri dhe mu këtë gjë e ka dashur populli me pjesëmarrje masive në zgjedhjet e 6 Tetorit.”Kurti tha se posti i Kryeministrit nuk është në tryezën e negociatave, pasi sipas tij këtë e ka vendosur populli në kutitë e votimit, kur e nxori LVV-ja si parti të parë.

Leave a Reply

Your email address will not be published. Required fields are marked *